झापा, २२ फागुन २०८२ — झापा निर्वाचन क्षेत्र नं. ५ को प्रतिनिधिसभा सदस्य निर्वाचनको पछिल्लो मतगणना परिणामले राजनीतिक वृत्तमा ठूलो हलचल पैदा गरेको छ। सार्वजनिक नतिजा अनुसार राष्ट्रिय स्वतन्त्र पार्टीका उम्मेदवार बालेन्द्र शाह (बालेन) ले भारी मतान्तरसहित आफ्नो अग्रता कायम गर्नुभएको छ। घण्टी चुनाव चिन्ह भएका शाहले हालसम्म १४७६ मत प्राप्त गर्दै अग्रस्थानमा रहनुभएको छ।
यस क्षेत्रका सदाबहार प्रतिस्पर्धी तथा नेकपा (एमाले) का अध्यक्ष केपी शर्मा ओली भने यसपटक निकै पछाडि पर्नुभएको देखिएको छ। सूर्य चुनाव चिन्ह भएका ओलीले हालसम्म मात्र ४२० मत प्राप्त गर्नुभएको छ। बालेन र ओली बीचको यो मतान्तरले यसपटक झापा-५ को चुनावी नतिजा अप्रत्याशित हुन सक्ने संकेत गरेको छ।
त्यस्तै, नेपाली कम्युनिष्ट पार्टीका रन्जित तामाङ ९० मतका साथ तेस्रो स्थानमा हुनुहुन्छ। नेपाली कांग्रेसकी मन्धरा चिमरिया र राष्ट्रिय प्रजातन्त्र पार्टीका लक्ष्मी प्रसाद संग्रौलाको मत संख्या भने यो विवरणमा अद्यावधिक हुन बाँकी देखिएको छ। मतगणना जारी रहँदा बालेन्द्र शाहको यो विशाल अग्रताले नयाँ राजनीतिक परिवर्तनको लहरलाई प्रष्ट पारेको छ।
